Góðvild

11 hours ago

Ég vil leiðrétta það sem ég sagði í nýlegu viðtali í Bítinu á Bylgjunni um rafræn skilríki og umboðskerfi.

Á fundi með Auðkenni fyrir hönd Góðvildar kom fram að Auðkenni þarf að fylgja reglum sem gera ráð fyrir að einstaklingur geti sjálfur notað rafrænu skilríkin sín. Það getur því komið í veg fyrir að fólk sem getur ekki notað þau sjálft fái þau útgefin.

Fyrirtækin og stofnanirnar sem veita þjónustuna þurfa hins vegar að bjóða leiðir til að annar einstaklingur geti sinnt erindum viðkomandi með umboði. Ég hafði ranglega lagt ábyrgðina á slíku umboðskerfi á Auðkenni og biðst afsökunar á því.

Það er líka mikilvægt að fyrirtæki og stofnanir vísi fólki ekki til Auðkennis þegar hindrunin liggur í þeirra eigin umboðskerfi. Þá er fólki vísað á rangan stað og það situr áfram uppi með óleystan vanda.

Fólk sem þarf aðstoð verður í dag að finna leið hjá hverri stofnun og hverju fyrirtæki fyrir sig. Það getur verið bæði flókið og tímafrekt fyrir viðkomandi og aðstandendur.

Við þurfum einfaldara og samræmdara fyrirkomulag. Aðgengi að þjónustu á ekki að ráðast af því hvort fólk geti sjálft notað rafræn skilríki.

Sigurður Hólmar Jóhannesson
Framkvæmdastjóri
Góðvild ... See MoreSee Less

Góðvild

7 days ago

Góðvild afhenti Þorláksskóla vinnuborðið Guided Hands frá ImaginAble Solutions ❤️

Þorláksskóli er nýr skóli og markmið Þorláksskóla er að veita einhverfum börnum menntun sem byggir á þeirra styrkleikum, þörfum og áhugasviðum. ... See MoreSee Less

Góðvild

1 week ago

Klettaskóli fékk auðvitað lika afhent Guided Hands vinnuborðið frá ImaginAble Solutions ❤️ ... See MoreSee Less